اساله ترفع الضغط !

اليوم يبت لكم بعض الاسئلة اللي ترفع الضغط

وودك تتوطى في بطن اللي يسالك



مثــلا :-

أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .

يجي أحد أخوانك ويفتح الباب عليك ويقول :- بتنام ! ! !

(( لا أبرقص ,, أكيد أبنام ))


أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "

(( لا عند الاشاره))

والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,

يجي أحد من أهلك وينادي بصوت عالي >>> بتطلع ! ! !

(( لا اجرب الباب هو زين ولالا))



أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,

أنت بكل ذوق تفتح القزازه وتقوله :- آمر يالحبيب ؟

يقولك :-بتمشي با السياره ! ! !

(( لا أبفحط وأسوي خمسات . . . . أكيد أنا ماشي ))




البنت مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك

والغشمرة ورحتي عند الباب تلبسين عبايتك . . .

تجي وحده ملقوفه من البنات وتقولك : - فلانه بتروحين البيت ! ! !

(( لا بصلي في البنات أكيد أبروح لـبـيـتـنـا من زين الكليه جالسه في استاربوكس ونا مدري ))



مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !

((لا بصور معه كم صوور تذكاريه , , أكيد أبكلم ))




مثلا :- ماسك دفتر أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !

(( لا أفرش اسناني , , , أيه أذاكر ))


أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !

(( لا ادغدغ سمكه))



ولا تعالــو شوفو قنواتنا وأسئلتهم البايخة:

مثلا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا منه المال ومنها العيال))



المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !

(( لا أبروح أكفخهم وأسوي هوشه , , , أكيد أبعايدهم ))